ANG LAWAS NI
CRISTO
(The Body Of Christ)
I. ANG IGLESIA GITAWAG
NGA LAWAS NI CRISTO:
·
Kini nagahulagway kon unsa ka-importante ang relasyon ni Cristo
ngadto sa mga Cristohanon.
·
Sa EFESO 1:22-23, nagasulti
nga ang iglesia mao ang lawas ni Cristo.
·
Sa COLOSAS 1:18, 24, nagasulti
nga ang lawas ni Cristo mao ang iglesia.
II. ANG BAG-ONG TUGON
NAGATUDLO NGA ADUNAY “USA” KA LAWAS:
·
Kini nagapasabut nga adunay “usa” lamang ka tinuod nga iglesia.
·
Bisan daghan ang mga membro apan adunay “usa” lamang ka lawas. – ROMA 12:4-5
·
Ang mga judio ug mga gentil gipasig-uli ngadto sa Dios diha sa usa
ka lawas. – EFESO 2:16
·
Adunay usa ka Ginoo, usa ka pagtoo, usa ka bautismo, ug usa ka
lawas. – EFESO 4:4-5
·
Pangutana: Kon adunay usa ka espirituhanong lawas si Cristo ug kini
nga lawas mao ang iglesia, nan, pila kabuok ang iglesia ni Cristo?
III. SI CRISTO ANG ULO SA
IYANG ESPIRITUHANONG LAWAS NGA MAO ANG IGLESIA:
·
Anaa kang Cristo ang tanang kagamhanan diha sa iglesia.
·
Gikan sa ulo (nga mao si Cristo) magagikan ang kusog nga maoy
magapalig-on ug magapalihok sa lawas. – EFESO
4:15-16
·
Maingon nga ang lawas ginamandoan kon unsa ang isulti sa ulo, mao
man usab ang iglesia kinahanglan magmasinugtanon kang Cristo. – EFESO 5:24
·
Kon unsa ang gisugo sa ulo kinahanglan buhaton sa lawas.
·
Apan kon unsa ang wala gisugo sa ulo kinahanglan dili buhaton sa
lawas.
IV. ANG MGA CRISTOHANON MAO
ANG MGA MEMBRO SA LAWAS NI CRISTO:
·
Ang mga taga-Corinto nahimong Cristohanon pinaagi sa pagpabautismo
diha sa usa ka lawas. – 1 CORINTO
12:12-13
·
Ang matag-usa ka Cristohanon adunay bahin alang sa bulohaton sa
lawas ni Cristo. – 1 CORINTO 12:14-20
·
Ang matag-usa ka Cristohanon managsamag bili diha sa lawas ni Cristo
ug kinahanglan nga walay panagkasumpaki ang usa ug usa. – 1 CORINTO 12:21-25
·
Kinahanglan ang panaghiusa sa mga Cristohanon kay kita mao ang
lawas ni Cristo. – 1 CORINTO 12:26-27
V. UNSA KA IMPORTANTE ANG
PAGKAHIMONG MEMBRO SA LAWAS NI CRISTO?
·
Ang lawas ni Cristo mao lamang ang gisaaran ni Jesus nga iyang
pagaluwason. – EFESO 5:23