ANG KAGAMITAN SA DAANG TUGON NGA
KASULATAN
(Use Of Old Testament Scriptures)
·
Ang Daang Tugon gibuhat alang sa mga Israelhanon – DEUT. 5:1-2
·
Wala ngani kini gisugo ngadto kang Abraham, Isaac, Jacob, ug uban
pa nilang mga ginikanan. – DEUT. 5:3
·
Maingon man usab ang mga Cristohanon, wala nailalum sa daang tugon
nga kasulatan:
·
Si Jesus nag-ingon nga ang tanang kagahum anaa kaniya ug Siya
lamang ang atong patalinghugan. – MATEO
28:18
·
Tungod niana, ang mga Cristohanon nailalum sa balaod ni Cristo. – 1 CORINTO 9:21
I. ANG DAANG TUGON WALAY
KAGAHUM SA ATONG PANAHON KARON:
·
Ang Daang Kasugoan gibungkag aron ang mga Gentil ug mga Judio
mapasig-uli ngadto kang Cristo. – EFESO
2:11-16
·
Kita gipahigawas gikan sa kasugoan ug dili ilalum sa karaang
sinulat nga kalagdaan. - ROMA 7:4-6
·
Ang tawo dili pagamatarungon tungod sa mga buhat sa pagbantay sa
kasugoan. – GALACIA 2:16
·
Ang tawo nga nagabantay sa daang kasugoan nangaputol gikan kang Cristo
ug nangahulog sa grasya. – GAL. 5:4
Apan
nagpasabut ba kini nga wala nay kapuslanan ang daang tugon nga kasulatan ngadto
sa mga Cristohanon?
II. UNSA ANG KAGAMITAN SA
DAANG TUGON NGA KASULATAN?
·
Ang Daang Tugon “gisulat ingon nga tugon ug pasidaan alang kanato.”
– 1 COR. 10:11
·
Sa 1 CORINTO 10:1-10,
si Pablo nagpahinumdom sa mga CRISTOHANON mahitungod sa Pagkalaglag sa mga
Katawhan sa Dios (Israel) didto sa Kamingawan.
·
Ang Daang Tugon “gisulat alang sa atong pagtuon.” – ROMA 15:4
·
Ang Daang Tugon nga kasulatan nagapanghimatuod mahitungod sa pagka-Dios
ni Cristo. – LUCAS 24:44
·
Ang Daang Tugon makapahimo kanato nga manggialamon ngadto sa atong
kaluwasan kang Cristo. (sama sa gitudlo ni Pablo kang Timoteo) – 2 TIMOTEO 3:14-15
·
Ang tibuok kasulatan “mapuslanon alang sa pagpanudlo, pagpamadlong,
pagpanul-id, ug pagmatoto sa pagkamatarung.” – 2 TIMOTEO 3:16-17
Gikan usab sa Daang Tugon nga kasulatan, kita makakat-on ug DUHA ka
importanteng mga leksyon sa atong panahon karon:
1. Ang Dios kanunay nagahatag ug ganti ug
panalangin ngadto sa mga nagmatinumanon kaniya, sama kang Abraham, Job, ug Elias.
2. Apan ang Dios nagapahamtang ug silot ngadto
sa wala nagmatinumanon kaniya.
Tungod niini, magbantay kita sa dili paghikalimot sa tanang mga
sinulat nga gitipigan sa Dios alang sa atong kaayohan.