ANG PAGSUGOT LABI PANG MAAYO KAY SA HALAD
(To obey is better than sacrifice)
1 SAMUEL 15:22
Contexto sa 1 Samuel 15:
- Ang Dios nagsugo nga hutdon paglaglag ang ciudad ni Amalec. – 1 SAM. 15:1-3
- Midaug si Saul batok sa mga Amalecahanon, apan ang hari nga si Agag ug ang labing maayo nga mga carnero ug vaca wala nila patya. – 1 SAM. 15:7-9
- Si Saul nagtoo nga iyang gituman ang Dios. – 1 SAM. 15:13
- Apan ang Dios nag-ingon nga wala siya nagtuman. – 1 SAM. 15:11
- Si Saul nagsulay sa pagbarug sa iyang pangatarungan. – 1 SAM. 15:19-20
- Wala nahimuot ang Dios sa gibuhat ni Saul bisan pa kon ang iyang katuyoan mao ang paggamit sa mga carnero ug baka sa paghalad sa Dios. – 1 SAM. 15:15,21
- Leksyon: Ang pagtuman sa tingog sa Dios mas labing importante kay sa mga paghalad. – 1 SAM. 15:22-23
- Unsa ang mga leksyon nga kinahanglan natong bantayan gikan kang Saul nga nagtuman sa iyang kaugalingong gusto?
1. Si Saul nagtuman sa pipila lamang ka bahin sa sugo sa Dios (1 Sam. 15:4-9)
- Ang tanan nga sugo sa Dios importante lakip ang tanang bahin niini. (Sama sa pagsimba: Awit, Pag-ampo, Pagtuon, Paghandum sa kamatayon ni Cristo ug Paghatud sa Amot)
- Dili nato pwedeng pilion ang gusto lang natong tumanon. – MATEO 23:23
2. Si Saul nagtoo nga iyang gituman ang Dios apan wala diay (1 Sam. 15:10-13)
- Ang pagtuman mahimo kon kita maminaw ug mobuhat sa gisulti sa Dios. – NUM. 20:8,11
- Daghan ang nagaangkon nga sila nagtuman sa Dios apan sa pagkatinuod, wala diay. – MATEO 7:21-24
3. Si Saul nagbasol sa uban sa dili niya pagtuman (1 Sam. 15:14-16)
- Ang pagbasol sa uban dili makapasaylo sa imong sala. (Sama ni Aaron) – EXODO 32:22-23
4. Si Saul nangatarungan nga iya kadtong gibuhat aron sa pagsimba (1 Sam. 15:15)
- Ang pagsimba walay kapuslanan kon wala nato ginatuman ang pamaagi sa Dios sa pagsimba. – MATEO 15:8-9
- Ang tinuod nga pagsimba mao ang pagtuman sa Dios sa espiritu ug kamatuoran. – JUAN 4:23-24
5. Si Saul nahadlok sa katawhan ug milabaw ang pagpahimuot sa tawo kay sa Dios. (1 Sam. 15:24-25)
- Kinahanglan natong kahadlokan ang Dios kay sa tawo. – JUAN 12:42-43
- Kinahanglan natong tumanon ang Dios kay sa tawo. – BUHAT 5:29
6. Si Saul gisalikway sa Dios tungod sa pagkadili matinumanon. (1 Sam. 15:26-31)
- Sa katapusan nga adlaw, ang wala nagtuman isalikway sa Dios ngadto sa silot nga dayon. – MATEO 7:23
Panak-op:
- Ang Dios nagkinahanglan sa kompleto ug kinasingkasing nga pagtuman sa iyang pulong.
- Tumanon nato ang Dios, dili ang atong kaugalingong gusto.
- Tumanon nato ang Dios tungod kay ang iyang pulong kinahanglan gayud tumanon.