ANG
ORGANISASYON SA IGLESIA
(The Organization Of The Church)
·
Ang pagtuon sa organisasyon makatabang aron atong mahibaloan kon
unsa ang katuyoan sa Ginoo mahitungod sa iglesia.
·
Ug pinaagi niini, atong mahibaloan kon unsa ang gustong ipabuhat sa
Dios kanato.
I. DUHA KA KAGAMITAN SA
PULONG “IGLESIA” SA BAG-ONG TUGON: [nga mao ang “UNIVERSAL CHURCH” ug “LOCAL
CHURCH”]
1.
“Universal Church” (Kinatibuk-ang
Iglesia):
·
Kini nagahisgot mahitungod sa tanang mga linuwas sa tibuok
kalibutan nga nahimong mga membro sa nag-inusarang iglesia nga gitukod ni Cristo.
– MATEO 16:18
·
Mao kini ang gitawag nga “Panimalay sa Dios”, “Lawas ni Cristo”, “Gingharian
sa Dios”, “Templo sa Dios” ug “Parrasan sa Ginoo”
·
Apan walay organisasyon nga gitudlo sa bag-ong tugon nga
pagabuhaton diha sa kinatibuk-an sa iglesia. Si Cristo lamang ang ulo. – EFESO 5:23
·
Busa, kinahanglan nga walay tawo nga magamando ingon nga pangulo o
labaw diha sa kinatibuk-an sa iglesia.
·
Kang Cristo lamang nga otoridad ug pulong ang kinahanglan natong
tumanon. – COLOSAS 3:17
2.
“Local Churches” (Lokal Nga Mga Iglesia):
·
Kini nagalangkob sa tanang mga Cristohanon diha sa usa ka lugar nga
nagatigum ingon nga usa ka congregasyon.
·
Sama sa mga Cristohanon nga anaa sa Antioquia, nga sila gitawag
nga “iglesia sa Antioquia” – BUHAT 13:1
·
Maingon man usab ang anaa sa mga dapit sa Judea, nga sila gitawag
nga “mga iglesia sa Judea” – GALACIA
1:22
·
Ang matag-usa ka lokal nga iglesia adunay iyang kaugalingong
pamalaud [Self-Government] (subay sa gitudlo
sa Dios) mahitungod sa ilang mga bulohaton.
·
Nagapasabut, nga walay pagatawagon nga “headquarters” o “central
church” (o sentro nga iglesia) nga maoy magadumala sa tanang lokal nga mga iglesia.
II. ANG ORGANISASYON SA USA KA LOKAL NGA IGLESIA:
1.
MGA ANCIANO
·
Sila ang magabantay sa lokal nga iglesia ilabina sa paglig-on sa
matag-usa.
·
Ang matag-iglesia kinahanglan maningkamut nga adunay mahimong mga
anciano diha kanila. – BUHAT 14:23
·
Ang pulong “mga anciano” nagagikan sa Griegong pinulongan nga “presbuteros” nga sa English: “presbyter” – nga nagpasabut, mga
tigulang nga tawo.
·
Kini nga “mga
anciano” gitawag usab sa Biblia nga “mga obispo” -- (Greek: "episkopos", English: “overseer”) – tungod kay ang ilang mga trabaho
mao ang pagbantay sa lokal nga iglesia. – BUHAT
20:17, 28
·
Ang “mga anciano” gitawag usab sa bag-ong tugon nga “mga pastor”
-- (Greek: "poimen", English:
“shepherd”) – tungod kay sila mao ang
magbalantay ug magatagad sa panon sa Dios. – 1 PEDRO 5:1-2
2. MGA DIAKONO
·
Sila ang magatabang sa mga anciano ug sa mga membro sa lokal nga
iglesia ilabina sa pagdumala sa bulohaton sa pagtabang sa mga nanginahanglan.
·
Ang pulong “mga diakono” nagagikan sa (Griego: “diakonos”; English: “servant, attendant, minister” – nga nagpasabut,
“katabang o ministro”
·
Ang “mga diakono” kabahin sa organisasyon sa iglesia, sama sa
iglesia sa Filipos. – FILIPOS 1:1
3. MGA BALAAN o MGA MEMBRO
sa LOKAL nga IGLESIA.
·
Ang mga Cristohanon ginatawag nga “mga balaan” (“saints”) sama sa iglesia nga anaa sa
Corinto. – 1 COR. 1:2
·
Gikan sa mga balaan, magagikan ang mga ebanghilista, magtutudlo,
magwawali o ministro, apan sa gihapon, kinahanglan silang magpasakup sa mga anciano.
III. Ang ORGANISASYON
diha sa lokal nga iglesia mao lamang ang paagi alang sa pagbuhat sa mga misyon
nga gitudlo sa Dios sa iglesia.
·
Sama sa iglesia sa Jerusalem nga sila nagpadala ug magwawali
ngadto sa Antioquia. – BUHAT 11:22
·
Ang iglesia sa Antioquia nagpadala ug hinabang (benevolence) ngadto sa mga kaigsoonan
didto sa Judea. – BUHAT 11:29-30
·
Ang lokal nga iglesia sa Filipos nagpadala ug hinabang kang Pablo
alang sa iyang pagwali. – FILIPOS
4:15-16
Panak-op:
·
Busa, ang tanang mga bulohaton sa iglesia ginabuhat sa matag-lokal
nga organisasyon sa iglesia tungod kay ang biblia wala nagatudlo nga adunay
tawo nga magadumala sa kinatibuk-ang bulohaton sa iglesia.
·
Tungod niini, kinahanglan nga ang matag-lokal nga iglesia mahimong
aktibo sa pagbuhat sa ilang mga bulohaton sumala sa gitudlo sa Dios diha sa
iyang iglesia.