ANG PAGKA-ANCIANO
(The Eldership)
I. ANG ILANG KATUNGDANAN:
(1 TIMOTEO 3:1)
1. Mga kagamitan sa pulong “Mga Anciano” (Elders)
·
Sa sinugdan (sa wala pa ang iglesia), ang maong otoridad sa pagka-anciano
ginatugyan ngadto sa mga tigulang nga tawo nga adunay kasinatian sa pagdumala.
·
Si Jesus naghisgot ug mga anciano nga maoy magapasakit kaniya, ug
sila kadtong ang mga Judio nga nagadumala sa sinagoga. – MATEO 16:21
·
Sa pagsugod na sa iglesia, ang matag-lokal nga iglesia nagpili ug
mga anciano nga mao ang magahimo ug espirituhanong pagbantay sa mga membro
niini. – BUHAT 14:23
·
Ang “mga anciano” gitawag usab ingon nga mga obispo ug mga pastor
nga nagahisgot sa mao rang katungdanan ug trabaho nga mao ang pagbantay sa
lokal nga iglesia.
·
Ang pulong “mga anciano” nagagikan sa Griegong pinulongan nga “presbuteros”
nga sa English: “presbyter” – nga
nagpasabut, mga tigulang nga tawo.
·
Kini nga “mga anciano” gitawag usab sa biblia nga “mga obispo” -- (Greek:
"episkopos", English: “overseer”) – tungod kay ang ilang mga trabaho
mao ang pagbantay sa lokal nga iglesia.
·
Ang “mga anciano” gitawag
usab sa bag-ong tugon nga “mga pastor” -- (Greek: "poimen", English: “shepherd”)
– tungod kay sila mao ang magbalantay ug magatagad sa panon sa Dios.
2. Mga responsibilidad ug trabaho sa mga anciano:
·
Ang pagtagad sa iglesia sa Ginoo. – BUHAT 20:28
·
Ang pagbantay sa panon gikan sa mga mini nga magtutudlo. – BUHAT 20:29-31
·
Ang pagdumala sa iglesia. – 1
TIMOTEO 5:17
·
Apan ang mga anciano kinahanglan magadumala dili sa hinarihari,
kondili ingon nga maayong panig-ingnan. – 1
PED. 5:3
·
Ang otoridad sa mga anciano anaa lamang diha sa usa ka lokal nga
congregasyon diin sila namembro. – 1
PEDRO 5:2
II. KINSA ANG ANGAYAN NGA MAHIMONG
MGA ANCIANO?
·
1 TIMOTEO
3:2-7 - Ang obispo
kinahanglan…
(2) Ug ang obispo kinahanglan dili badlonganon,
ug siya usa ray asawa, mapugnganon sa kaugalingon, mabuot, maugdang,
maabiabihon, maayo sa pagpanudlo, (3) dili palahubog, dili
tigpanukmag, hinonoa malomo, dili palaaway, ug dili mahigugmaon ug salapi.
(4) Kinahanglan magamaayo ang iyang pagdumala sa
iyang kaugalingong panimalay, nga magadumala sa iyang mga anak aron sila
magamasinugtanon ug magamatinahuron sa tanang paagi; (5) kay kon ang usa ka tawo dili makamao nga magdumala
sa iyang kaugalingong panimalay, unsaon man niya sa pagpakatagad sa iglesia sa
Dios? (6) Kinahanglan nga siya dili bag-o
pa lang nakabig, kay tingali unyag moburot siya sa pagpagarbo ug mahulog ngadto
sa pagkasinilotan ingon sa yawa; (7)
labut pa niini, kinahanglan matinamud siya sa mga taga-gawas ingon nga maayog
dungog, kay tingali unyag mahulog siya ngadto sa pagkabaladlongon ug sa bitik
sa yawa.
·
TITO
1:6-9
(6) nga ang maong mga tawo kinahanglan dili masaway, bana sa usa
lamang ka asawa, kinsang mga anak mga magtotoo ug dili arang kabutangan ug
sumbong sa pagkamapatuyangon o pagkamasupilon.
(7) Kay ang obispo, ingon nga piniyalan sa Dios, kinahanglan dili
badlongon; kinahanglan dili siya magpalabawlabaw sa iyang kaugalingon, dili
masuk-anon, dili hinginom ug bino, dili tigpanukmag, dili hinapi sa talamayong
paagi,
(8) hinonoa maabiabihon siya sa mga dumuloong, mahigugmaon sa
maayo, mabuot, matarung, putli, mapugnganon sa kaugalingon;
(9) kinahanglan nga mangupot siya pag-ayo sa kasaligang pulong nga
ingon sa gikatudlo kaniya, aron makahimo siya sa paghatag ug pagtulon-an sa
matarung tuloohan, ug usab sa pagsaway kanila nga nagasupak niini.
III. ANG ATONG KATUNGDANAN
NGADTO SA MGA ANCIANO:
·
Kinahanglan ang pagpakita ug dubli nga pagtahud ngadto sa mga
anciano nga maayong nagdumala sa iglesia. – 1 TIMOTEO 5:17-18.
·
Ang mga membro kinahanglan dili magatagad ug bisan unsang sumbong
batok sa mga anciano gawas kon kini pagahimatud-an sa duha o tulo ka mga saksi.
– 1 TIMOTEO 5:19
·
Gikinahanglan ang atong pagkamasinugtanon ug pagtahud ngadto sa
mga anciano. – HEB. 13:17