Click to download: Outline, Powerpoint
ANG PAGPANTON SA IGLESIA
(The Discipline of the Church)
· Ang pagpanton (discipline) mao ang pagtudlo, pagmatuto, pagmaymay, pagpanul-id, pagbadlong, o paghampak.
I. NGANONG NAGKINAHANGLAN UG PAGPANTON ANG IGLESIA?
· Tungod kay kita mga anak sa Dios ug Siya nahigugma kanato. – HEB. 12:5-6
· Ang pagpanton sa Dios gihimo “alang sa atong kaayohan.” – HEB. 12:10
· Ang Dios, ingon nga atong Amahan, nagapangandoy nga ang Iyang mga anak magalakaw diha sa kamatuoran. – PROV. 23:15-16
· Kon ang iglesia DILI magahimo sa pagpanton, nan, wala kita magmasinugtanon sa Dios, ug busa kita makasala. – SAN. 4:17
II. DUHA KA KLASE SA PAGPANTON:
1. PAGHATAG PAGTULON-AN O PAHAMATNGON (Instructive Discipline):
· Kini ang paagi sa pagdisiplina aron sa pagpugong o paglikay sa paghimog sala.
· Sa Daang Tugon, ang Dios nagtudlo sa mga Israelhanon aron sila makalikay sa paghimog sala batok sa Dios. – SAL. 78:5-8
· Sa Bag-ong Tugon usab, si Cristo nagtudlo sa iyang mga tinun-an sa pagtoon mahitungod sa “tanan nga iyang gisugo.” – MATEO 28:20
· Kini nga pagdisiplina kanunay igatudlo ginamit ang Balaang Kasulatan. – 2 TIMOTEO 3:16-17
2. PAGBADLONG o PAGPANUL-ID (Corrective Discipline)
· Kini ang paagi sa pagdisiplina aron sa pagsilot sa Cristohanong nagbuhat ug sala.
· Apan hinumdumi, nga ang tumong niini mao ang pagluwas sa igsoon nga nakasala. – SANTIAGO 5:19-20
KINSA ANG KINAHANGLAN NGA PAGABADLONGON?
· Kadtong nanaggawi sa pagkadili matarung. – 1 COR. 6:9-10
· Ang mga Cristohanon nga nanaggawi sa pagkabagdoy. – 2 TES. 3:6
· Ang mga Cristohanon nga nanagbiya sa pagsimba. – HEB. 10:25
· Ang mga Cristohanon nga bakakon, dili matinoohon, malaw-ay, makihilawason, ug uban pa. – PINADAYAG 21:8
III. UNSAON SA PAGPANTON SA USA KA CRISTOHANON NGA NAKASALA?
· Si Jesus nagtudlo sa insaktong paagi kon unsaon kini sa paghimo. – MATEO 18:15-17
· Ang usa ka Cristohanon nga naminaw sa pagbadlong ug naghinulsol, kinahanglang pasayloon. – LUCAS 17:3-4
· Apan kon ang gibadlong nga igsoon dili maghinulsol, kinahanglan igasalikway. – TITO 3:10
Panak-op:
· Ang iglesia wala gipasagdan sa Dios, nga tungod niana, kini iyang ginapanton. – HEB. 12:7-8
· Kon kita magapadayon sa pagpanton sumala sa paagi sa Dios, nan, atong ginaluwas ang nakasala ug ginabantayan ang kaputli sa tibuok iglesia.
· Si Jesu-Cristo nahigugma sa iyang iglesia ug nagapanton niini, busa kinahanglan kitang magmadasigon ug maghinulsol. – PINADAYAG 3:19
Si Jesus nag-ingon:
“Ako nagabadlong ug nagapanton sa Akong mga gihigugma;
busa kinahanglan magmadasigon ka ug maghinulsol.”