Click to download: Outline, Powerpoint
ANG BALAANG PANIHAPON(The Lord’s Supper)
· Unsa? Asa? Kanus-a? Kinsa? ug Ngano?
· Kinahanglan natong masabtan ang tinood nga kahulogan sa Balaang Panihapon tungod kay kini ang usa sa pinaka-importanteng bulohaton ug sugo panahon sa pagsimba.
I. ANG DAPIT SA PAGBUHAT NIINI:
· Si Jesu-Cristo nagsulti nga kini pagabuhaton diha sa gingharian sa Dios nga mao ang iglesia sa Dios. – MARCOS 14:25
· Ang matag-usa nga sakop sa gingharian magapangaon ug magapanginom niini diha sa Lamisa sa Ginoo (Lord’s Table). – LUCAS 22:29-30
II. ANG GIGIKANAN UG OTORIDAD SA PAGBUHAT SA BALAANG PANIHAPON:
· Si Jesu-Cristo mao ang unang nagtudlo niini ngadto sa iyang mga apostoles. – MATEO 26:26-29
· Si Jesus nagsugo sa iyang mga tinun-an sa “pagbuhat sa tanan” nga iyang gisugo kanila. – MATEO 28:20
· Busa, si apostol Pablo nagtudlo niini sa mga Cristohanon pinasikad sa “iyang nadawat gikan sa Ginoo.” – 1 COR. 11:23
III. ADUNAY DUHA LAMANG KA MGA BUTANG NGA GISUGO NI JESUS PANAHON SA PAGHANDUM NIINI:
1. TINAPAY NGA WALAY IGPAPATUBO – nagasimbolo sa lawas ni Cristo – LUCAS 22:7, 19
2. KOPA NGA MAO ANG DUGA SA PARRAS – nagasimbolo sa dugo ni Cristo – LUCAS 22:17-18
IV. ANG ADLAW SA PAGBANTAY SA BALAANG PANIHAPON:
· Ang “pagtipiktipik sa tinapay” ginabuhat sa unang adlaw sa semana (Dominggo). – BUHAT 20:7
· Wala kini gisugo nga pagabuhaton sa adlaw’ng: Lunes, Martes, Myerkules, Huwebes, Byernes, ug Sabado!
· Busa, ang obligasyon sa mga Cristohanon mao ang “dili pagbiya sa niini nga adlaw sa panagtigum” – HEB. 10:25-26
· Sama sa mga unang Cristohanon, kinahanglan kitang molahutay sa “pagpikaspikas sa tinapay” – BUHAT 2:42
V. ANG KAHULOGAN SA PAGBUHAT NIINI:
· Ang Balaang Panihapon gisugo aron sa “paghandum sa kamatayon ni Cristo.” – 1 CORINTO 11:23-25
· Ang Balaang Panihapon mao ang “pagsangyaw sa kamatayon ni Cristo hangtud sa iyang pag-anhi.” – 1 CORINTO 11:26
· Ang Balaang Panihapon mao ang “pag-ambit sa lawas ug dugo ni Cristo.” – 1 CORINTO 10:16-17
VI. MGA KINAIYA NGA KINAHANGLANG BANTAYAN:
· Ang matag-usa ka membro sa iglesia o gingharian sa Dios kinahanglan magasusi sa kaugalingon panahon sa paghandum sa kamatayon ni Cristo. – 1 CORINTO 11:28
· Gikinahanglan usab ang insaktong pag-ila sa lawas ug dugo sa Ginoo. – 1 CORINTO 11:27, 29
· Ang Dios nagasilot sa matag-usa nga wala nagahandum sa kamatayon ni Cristo diha sa insaktong paagi. – 1 COR 11:30-31
Panak-op:
· Sa atong paghandum sa kamatayon ni Cristo, ang dugo ni Jesus magapadayon sa paghinlo sa atong mga sala. – 1 JUAN 1:7