AWIT PANAHON SA PAGSIMBA (Instrumental Music in Worship)

 Click to download: Outline, Powerpoint

AWIT PANAHON SA PAGSIMBA

(Instrumental Music in Worship)

 

Ang Balaang Kasulatan nagpahayag ug tulo ka kapanahonan:

  1. Ang panahon sa mga ginikanan – Diin naglangkob gikan kang  Adan hangtud sa bukid sa Sinai (Moises).
  2. Ang panahon ni Moises – Nagsugod sa bukid sa Sinai hangtud sa kamatayon ni Cristo.
  3. Ang panahon ni Cristo – Naglangkob gikan sa kamatayon ni Cristo hangtud sa Iyang pagbalik.
    • Ang Dios, sulod niining nagkalainlaing kapanahonan adunay sugo o pagbulot-an kon unsaon sa tawo sa pagsimba Kaniya.
    • Ang Dios nagadawat sa pagsimba nga gihimo sumala sa Iyang kabobut-on, apan Siya nagasalikway sa pagsimba nga wala nahiuyon sa Iyang kabobut-on.

 

Mga Pananglitan:

  • Sa panahon sa mga ginikanan: Niadtong si Abel ug Cain nagsimba, gidawat sa Dios ang halad ni Abel, Apan gisalikway sa Dios ang halad ni Cain. – GEN. 4:3-5
  • Sa panahon ni Moises: Ang Dios hugtanong nagsugo sa banay ni Israel sa dili pagsimba sa mga dios-dios. – EXODO 20:3-5
  • Sa panahon ni Cristo: Ang Dios kinahanglan natong simbahon pinaagi sa espiritu ug sa kamatuoran. – JUAN 4:23-24
  • Ang pagsimba diha sa kamatuoran mao ang pagsimba nga nagasunod kon unsa ang gisulti sa Dios nga atong mabasa sa balaang kasulatan. – JUAN 17:17
  • Busa ang pagsimba nga wala nahisubay sa kabobut-on sa Dios, kawang atubangan sa Dios. – MATEO 15:8-9

 

ANG PAGDUYOG SA TULONGGON GISUGO PANAHON NI MOISES (Daang Tugon):

  • Ang hinungdan ngano nga si David naggamit ug tulonggon sa panahon ni Moises tungod kay kini gisugo sa Dios kanila. – 2 CRONICAS 29:25-26
  • Apan nakita sa Dios nga ang mga tawo nagailis sa tinuod nga pagdayeg Kaniya pinaagi sa ilang mga awit nga dinuyogan sa mga mananoy nga honi sa mga tulonggon, busa, ang Dios nagsulti pinaagi kang profeta Amos. – AMOS 5:23, 6:5

HUMAN SA KAMATAYON NI CRISTO, WALA KITA’Y MABASA SA BIBLIA NGA DUNAY MEMBRO SA CHURCH OF CHRIST NGA NAGGAMIT UG TULONGGON PANAHON SA PAGSIMBA:

  • BUHAT 16:25 – “…si Pablo ug si Silas… nanag-awit silag mga alawiton ngadto sa Dios…”
  • ROMA 15:9 – “…magaawit ako sa paghimaya sa imong ngalan…”
  • 1 CORINTO 14:15 – “Ako magaawit nga ubanan sa akong espiritu ug magaawit ako nga ubanan usab sa akong pamuot.”
  • EFESO 5:19 – “Pagsinultihay kamo, ang usa sa usa, sa mga pulong sa mga salmo ug sa mga alawiton ug sa mga awit nga espirituhanon, nga manag-awit ug managtogtog nga magadayeg sa Ginoo uban sa bug-os ninyong kasingkasing.”
    • KJV: (Eph. 5:19) – “Speaking to yourselves in psalms and hymns and spiritual songs, singing and making melody in your heart to the Lord”
  • COLOSAS 3:16 – “…sa magaawit kamog mga salmo ug mga alawiton ug mga awit nga espirituhanon uban ang pagkamapa-salamaton diha sa inyong mga kasingkasing ngadto sa Dios.”

 

ANG PULONG “SALMO” WALA NAGPASABUT NGA “TULONGGON” kondili, “PAGDAYEG o ALAWITON”

  • KJV: JAMES 5:13 – “Is any among you afflicted? let him pray. Is any merry? Let him sing psalms.”
    • SANTIAGO 5:13 – “Aduna ba kaninyoy nagaantus? Paampoa siya. Aduna bay nagamalipayon? Paawita siya sa pagdayeg.”
  • KJV: 1 CORINTHIANS 14:26 – “How is it then, brethren? when ye come together, every one of you hath a psalm…”

    • 1 CORINTO 14:26 – “Unya unsa man, mga igsoon? Inigtigum ninyo, ang matag-usa andam na nga may alawiton…”
  • Busa, ang bag-ong tugon nga kasulatan klaro nga nagapahayag kon unsa ang klase sa “awit” nga gisugo sa Dios.
  • Kini gipiho (specified), aron kita magatuman kon unsa ang nahisulat  sa Biblia ug dili sa pagpangitag paagi sa dili pagtuman niini.

 

HEB. 13:15 – “Ug pinaagi kaniya himoon ta sa kanunay ang halad sa pagdayeg ngadto sa Dios, sa ato pa, sa bunga sa mga ngabil nga nagaila sa iyang ngalan.”